ನಿನ್ನ ಪ್ರೇಮದಲಿ ಪೂರ್ತಿ ಮುಳುಗಿಹ ನನಗೆ ಹಗಲೇನು? ಇರುಳೇನು?
ನಿನ್ನ ನೆನೆಪಲಿ ಕಂಡೆ ನೂರೊಂದು ಕನಸುಗಳ ಕನಸಲೂ ನನಸಲೂ
ಬೇಗ ಬಂದು ಬಿಡು ತಡೆಯಲಾರದಾಗಿಹೆನು ಈ ವಿರಹವನು,
ಇನಿಯನೆದೆಲ್ಲಿ ಮುಖವಿರಿಸುವ ಅನುಭವವ, ಕೊಟ್ಟೆ ನೀನು ಪ್ರೀತಿಯ ಪ್ರತಿಯೊಂದು ಮುತ್ತಿನ ಸುಖದಲ್ಲಿ
ಕಾದು ಕುಳಿತಿಹೆನು ನಮ್ಮಿಬ್ಬರ ಮಿಲನದ ಶುಭ ದಿನಕೆ
ನನ್ನಾಸೆಯೆಲ್ಲವ ನೆರೆವೇರಿಸೆಂದು ಹೊತ್ತಿಹೆನು ಹರಕೆ
ನಿನ್ನ ಮನಸಲೂ ಇದೆ ತುಮುಲ ತುಡಿತಗಳಿದೆಯೆಂದು ಅರಿತಿಹೆನು ನನ್ನ ಮುದ್ದಿನ ನಲ್ಲ
ನಿನ್ನ ತುಂಟಾಟಗಳ ನೆನೆಸಿದರೆ ಬಿಸಿಯೇರುವುದು ನನ್ನ ಮೈ ಕೆನ್ನೆ ಗಲ್ಲ
ತುಟಿಯಲೊಂದು ಕಿರುನಗೆಯು ಬಂದು ನಿಲ್ಲುವುದು ಹಾಗೆ, ನಿನ್ನ ನೆನಪೇ ಒಂದು ಸವಿ ಕನಸಿನಂತೆ
ಹರಿದಾಡುವೆ ನನ್ನ ಮೈ ಮನವನೆಲ್ಲ, ರಾತ್ರಿ ಎಲ್ಲ ನಿದ್ದೆ ಇಲ್ಲ!!
ಕಣ್ಮುಚ್ಚಿದೊಡನೆ ನಿನ್ನದೇ ಬಿಂಬ, ತುಂಬಿರುವೆ ನೀನೆ ಅದರ ತುಂಬಾ
ಬೇಗ ಬಂದು ಬಿಡು ತಡೆಯಲಾರದಾಗಿಹೆನು ಈ ವಿರಹವನು,
ನಿನ್ನ ಪ್ರೇಮದಲಿ ಪೂರ್ತಿ ಮುಳುಗಿಹ ನನಗೆ ಹಗಲೇನು? ಇರುಳೇನು?
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ