ಇದೂ ನಿನ್ನದೇ ಬುತ್ತಿ...

ಹೊರಗೆ ಜೋರು ಮಳೆ, ಸುತ್ತಲೂ ಕಗ್ಗತ್ತಲು
ಗುರುತಿರದ ಸೂರು, ಗುರಿಯಿರದ ಹಾದಿ, ಬತ್ತದ ದಾಹದಲಿ, ಎತ್ತಣದ ಹೆಜ್ಜೆ??

ಒಂದು ದಿನದ ನಲಿವಿಗೆ ನೂರು ನೋವಿನ ಸುಂಕ,
ನಾವ್ ಕೆಳ ಬಿದ್ದರೆ, ತಾವೇ ಗೆದ್ದೆವೆಂದು ಕುಣಿವುದೀ ಲೋಕ, ಇದಕ್ಕೆನೋ ಬಿಂಕ.

ಕನಸು ಬೀಳುವ ಗಾಢ ನಿದಿರೆಯಲೂ ಕಾಣದ ದುಗುಡ,
ಹಗಲೆಲ್ಲ ಓಡಾಟ, ಕಣ್ಕುಕ್ಕುವ ಕಾರ್ಮೋಡಗಳ ಹಿಂದೆ ಎಲ್ಲವೂ ನಿಗೂಢ.

ಉಸಿರು ಕಟ್ಟಿದೆ, ಕಾಣದಾಗಿದೆ ಸಣ್ಣದೊಂದು ಬೀದಿ,
ಬೆಳಕು ಮರೀಚಿಕೆ...ಮೌಢ್ಯತೆಯಲಿ ಮಾಡಿದ ತಪ್ಪುಗಳಿಂದ ಅಳಿದು ಬಿದ್ದಿದೆ ಭರವಸೆಯ ಬುನಾದಿ.

ಎಲ್ಲ ಬಲ್ಲವ, ನಮ್ಮನಾಳುವವ, ಬರೆದಿಟ್ಟಿರುವನಂತೆ ಮೊದಲೇ ನಮ್ಮ ಬಾಳ ಪರಮ ಪದವ,
ಇದೆಲ್ಲ ನಿನ್ನದೇ "ಬುತ್ತಿ"...!!!
ನಿನ್ನ ಜನ್ಮ, ಪೂರ್ವ ಕರ್ಮ, ಕಳೆದ ಮೇಲೆ ನಿವೃತ್ತಿ.