ಬಾನ ಚುಕ್ಕಿ ತಂದೆ ಹೆಕ್ಕಿ, ಅಂಗಳದಲಿ ರಂಗವಲ್ಲಿ
ಬಾಗಿಲಿಗೆ ತೋರಣ, ಮಾಡಿಹೆ ಎಲ್ಲ ಓರಣ,
ಬೀದಿ ಬಾಗಿಲಲ್ಲಿ ನಿಂತೆ, ನೀನು ಬರದೆ ತಂದೆ ಚಿಂತೆ.
ನಿದಿರೆ ಬರಲು ಮಲಗೆ ನಾನು, ಎದುರು ಬಂದು ನಿಂತೆ ನೀನು
ನಿನ್ನಿಂದ ಮನೆಯೆಲ್ಲ ಸಂಭ್ರಮ, ನನ್ನ ಹಾಡಿನಲ್ಲಿ ತಂದೆ ಸ ರಿ ಗ ಮ
ನೀನು ಜೊತೆಯಾಗಿರಲು ಬಾಳೆಲ್ಲ ಮಧುರಿಮ.
೨)
ಮಳೆಯ ಹನಿಯ ಮುತ್ತಿನಂತೆ, ನನ್ನ ಮೂಗ ನತ್ತಿನಂತೆ, ಹೊಸ ಬೆಳೆಯ ಬಿತ್ತಿದಂತೆ, ಚಿಗುರಿದ ಕನಸು ಮೊಳಕೆಯೊಡೆಯಲೆತ್ನಿಸಿದೆ
ಏನಿತ್ತು ಆ ಇಪ್ಪತ್ನಾಕರಲ್ಲಿ?? ಎಂದು ಕೇಳಲು ನೀನು.
ನಾಚಿ ನೀರಾಗಿ.. ಕೆನ್ನೆ ಕೆಂಪಾಗಿ, ಒಡಲು ತಂಪಾಗಿ ನಾನು.
ಇಷ್ಟು ವರುಷ ಕಾದರೂ ಸಿಗದ ನಗುವ ಕೊಟ್ಟಿತೀ ಇಪ್ಪತ್ತನಾಲ್ಕು..
ವರುಷ ನಿಮಿಷವಾಯಿತು, ಮನಸು ಎಲ್ಲೋ ಹಾರಿತು. :)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ