ಇಂದೇಕೋ ಅನಿಸುತಿದೆ, ಆದದ್ದೆಲ್ಲ ಒಳಿತೆ
ನಮ್ಮ ದಾರಿಗಳು ಒಂದೇ ಆಗಿತ್ತು
ಐದು ವಸಂತಗಳು ಕನಸುಗಳಂತೆ ಕಳೆದವು
ದಾರಿಗಳು ಕವಲೊಡೆಯಿತು
ಕನ್ನಡಿಯಲಿ ಕಂಡಂತೆ
ಊಟದ ಸಮಯ ಪಕ್ಕ ಕುಳಿತಂತೆ
ಸಂಜೆಯ ವಿಹಾರದಲಿ ಜೊತೆ ಜೊತೆಯಾಗಿ ನಡೆದಂತೆ
ಹೀಗೆ ಏನೇನೋ ಅನಿಸುತ್ತಿತ್ತು ಮೊದಮೊದಲು
ದಿನ ಉರುಳಿದಂತೆ ಏಕತಾನತೆಯು ಬದುಕನ್ನು ಸುತ್ತಿ ಉಸಿರು ಕಟ್ಟಿಸಿತ್ತು
ಎಲ್ಲ ಮರೆಯಲು ತವಕಿಸುತ್ತಿತ್ತು
ಈಗ ಮನಸು ಹೊಸ ದಾರಿಯ ಹುಡುಕ ತೊಡಗಿದೆ
ನವ ವಸಂತಕ್ಕೆ ಆಹ್ವಾನ ನೀಡಿದೆ
ಹೊಸಬರ ಬರುವಿಗಾಗಿ ಕಾಯುತಿದೆ
ಬಾಳೆಲ್ಲ ಅವರೊಂದಿಗಿರಲು ಬಯಸುತಿದೆ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ